Արաբական առաջնորդները դատապարտել են Իսրայելին՝ Գազայի հատվածում հիվանդանոցի վրա հարձակման համար, որի հետևանքով հարյուրավոր մարդիկ են զոհվել՝ հիմնականում կանայք և երեխաներ։
«Սաուդյան Արաբիան հայտարարել է, որ այս դաժան հարձակումը միջազգային բոլոր օրենքների և նորմերի, ներառյալ միջազգային մարդասիրական իրավունքի կոպտագույն խախտում է»:
Հորդանանի թագավոր Աբդալլահ Երկրորդը ռմբակոծությունն անվանել է «զզվելի ռազմական հանցագործություն, որը չի կարելի հանդուրժել»՝ հավելելով, որ «Իսրայելը պետք է անհապաղ դադարեցնի իր դաժան ագրեսիան Գազայի հատվածի դեմ»։
Եգիպտոսի նախագահ Աբդել Ֆաթահ ալ-Սիսին դատապարտել է պայթյունը «խիստ բառերով»՝ որպես «միջազգային իրավունքի և միջազգային օրինականության և մարդասիրության դրույթների ակնհայտ խախտում»:
Արաբական Միացյալ Էմիրությունները դատապարտել են Իսրայելի հարձակումը և կոչ են արել միջազգային հանրությանը «ակտիվացնել ջանքերը՝ անհապաղ զինադադարի հասնելու համար՝ կանխելու մարդկային հետագա կորուստները, խուսափելու Պաղեստինի օկուպացված տարածքում իրավիճակի հետագա վատթարացումից և առաջ մղել բոլոր ջանքերը՝ հասնելու համապարփակ և արդար խաղաղության՝ միաժամանակ թույլ չտալով, որ տարածաշրջանը ներքաշվի բռնության, լարվածության և անկայունության նոր մակարդակների մեջ»:
Իրաքի կառավարության խոսնակ Բասսեմ ալ-Ավադին հիվանդանոցի պայթյունն անվանել է «ռազմական հանցագործություն»՝ պնդելով, որ իսրայելական ուժերը «անցել են բոլոր սահմանները»։
ՀՀ բարձրաստիճան պաշտոնյաների այցը՝ «Հաղթանակ» զբոսայգի 
