Նրանք ովքեր մեկ անգամ բաց են թողնում շահավետ գնում կատարելու հնարավորությունը, այլևս հակված չեն այդ ապրանքը ձեռք բերելուն: Այլ տարբերակներ փնտրելու ցանկությունը փոքրանում է, երբ անցնում ենք գրավիչ և շահավետ հնարավորության կողքով:

Մարդկանց ունիկալ հատկություններից մեկը անցյալի մասին դատողություններ անելն ու դասեր քաղելն է: Երբ մենք բաց ենք թողում լավ հնարավորություն, զղջումը համակում է մեր գիտակցությունը: Այսինքն, եթե հաճախորդը մեկ անգամ բաց է թողել ապրանքը զեղչված գնով ձեռք բերելու հնարավորությունը, ապա հավանական է, որ նա կհրաժարվի դրանից:

Հայաստանում գովազդային ոլորտում առաջատար «Մոշն Թայմ» (Motion Time) ընկերությունը ուսումնասիրելով սպառողական վարքի տվյալ էֆեկտը, առանձնացրել է մի քանի օգտակար խորհուրդ պրոֆեսիոնալների համար:

1. Մանրակրկտորեն մշակեք ձեր գնային և զեղչային քաղաքականությունը, մասնավորապես կարճաժամկետ «դեմպինգային պատերազմների» ընթացքում:

2. Մշակեք զեղչային համակարգի անցկացման համապատասխան տևողություն և պայմաններ: Մտածեք, ինչպես մոտիվացնել սպառողներին օգտվել ձեր զեղչային համակարգից, քանի որ ռիսկը, որ նրանք չեն օգտվի դրանից մեծ է:

3. Պետք է խուսափել ապրանքների գների համեմատությունից: Դա կարելի է անել համապատասխան եղանակով ապրանքի բնութագրի փոփոխության միջոցով: