Այսօր ՀՀ նախագահի թեկնածու, Էպոսագետ Վարդան Սեդրակյանը հանդիպում ունեցավ լրագրողների հետ: Լրագրողներին հանդիպեց նաև «Ազդարար» գիտամշակութային ամսագրի վերահիմնադիր Մարտիկ Սարգսյանը, ով նույնպես հայտարարել է, որ մասնակցելու նախագահական ընտրություններին` որպես թեկնածու: Մարտիկ Սարգսյանը լրագրողներին ներկայացրեց իր նախընտրական ծրագրային պլատֆորմը: Վերջինս լրագրողներին ասաց, որ նախագահական ընտրություններում իր թիվ 1 մրցակիցն է համարում էպոսագետ Վարդան Սեդրակյանին:
Էպոսագետի հետ հանդիպմանը մասնակցած լրագրողներից մեկը հարց է ուղղում Վարդան Սեդրակյանին ասելով, թե Մարտիկ Սարգսյանը վերջինիս է համարում իր թիվ 1 մրցակիցը, իսկ ինքը ում է համարում իր մրցակիցը, Վարդան Սեդրակյանը նախ նշեց.«Մարտիկ Սարգսյանին ես չեմ ճանաչում և չգիտեմ թե ինչ է ասել»: Այնուհետև Սեդրակյանն անկեղծացավ.« Մարտիկ Սարգսյանը երեկ զանգահարել էր ինձ, հրավիրում էր ինձ իր ասուլիսին: Ես ասացի, որ չեմ կարող գալ: Կես ժամ բացատրեց, որ իր համար շատ կարևոր… Ես ասացի, որ մրցակիցներ ենք ես չեմ էլ կարող գալ, եթե ցանկանում եք գալ: Ասաց ո’չ, մենք մրցակից չենք, իմ մրցակիցը Սերժ Սարգսյանն է, շատ տարօրինակ է, որ էսօր առավոտ լրիվ ուրիշ բան է ասել»:
Էպոսագետը լրագրողների հետ հանդիպման գալուց միանշանակ լավ կրկնել էր այն ամենը ինչ պետք է ասեր լրագրողներին, սակայն չնախատեսված հարցեր միշտ լինում են և սա հենց դրանցից էր: Հավանաբար, Մարտիկ Սարգսյանը ցանկացել էր «Բաղրամյան 26-ի » աչքին միանգամից բարձրանալ, քանի որ դեռ որևէ սենսացիոն հայտարարություն չէր արել, իսկ սա կլիներ նրա առաջին բոնուսը:
Ի տարբերություն Մարտիկ Սարգսյանի, էպոսագետն արդեն հասցրել էր իր բոնուս քայլը կատարել` պատրաստակամություն հայտնելով վճարել Րաֆֆի Հովհաննիսյանի ընտրագրավը:
Ուշագրավն այն է, որ «Բաղրամյան 26-ից» հրանգավորված անձինք արդեն իրենք իրենց դեմ են խոսում` ցանկանալով հեղինակազրկել մեկը մյուսին: Այս պարագայում «և գայլերը կուշտ եղան, և ոչխաները ողջ մնացին»:
Վահագն Ավետիսյան