Հոկտեմբերի 17-19-ը Երևանում ընթանում էր «Հայաստանի հրաձգության ֆեդերացիայի նախագահի գավաթը»:

Ֆեդերացիայի նախագահ Արթուր Հովհաննիսյանի կողմից մրցանակային տեղեր զբաղեցրած մարզիկներն արժանացել են մեդալի և դիպլոմի, չեմպիոններն էլ գավաթի, հայտնում է ՀՀՖ մամուլի քարտուղարությունը: Հանրապետությունում սպորտը զարգացնելու համար արժեքավոր հուշանվերներով են պարգևատրվել մարզադպրոցիների տնօրեններն ու միջազգային մրցաշարերում հաղթանակած մարզիկների անձնական մարզիչները:

Հավաքական թիմի գլխավոր մարզիչ Սեյրան Նիկողոսյանն էլ, ի նշան երախտիքի, հրաձիգների անունից հաջողության խորհրդանիշ նալ է հանձնել նախագահին: Մրցաշարի փակման արարողությանը ներկա է եղել նաև Նոր-Նորք վարչական շրջանի ղեկավար Արմեն Ուլիխանյանը: Նա ևս պարգևատրել է համայնքի բնակիչ, աշխարհի առաջնության մեդալակիր մարզիկներին՝ հանձնելով պատվոգրեր և հուշանվերներ:

Վերջին տարիներին հրաձիգների արդյունքները փաստում են, որ հանրապետությունում զարգանում է մարզաձևը և «Հայաստանի հրաձգության ֆեդրացիայի նախագահի գավաթ»-ին մասնակցում էին Հայաստանի ուժեղագույն հրաձիգները, որոնք ընդհանուր թվով կազմում էին 56 հոգի` Հրաձգության հանրապետական մարզադպրոցից, Երևանի հրաձգության մանկապատանեկան մարզադպրոցից և Գյումրու քաղաքապետարանի հրաձգության դպրոցից:

Հաղթող են ճանաչվել.

10մ օդամղիչ ատրճանակ, տղամարդանց վարժություն

1 տեղ Սևակ Արշակյան

2 տեղ Նորայր Առաքելյան

3 տեղ Զավեն Իգիթյան

 

10մ օդամղիչ ատրճանակ, կանանց վարժություն

1 տեղ Լուսինե Սիմոնյան

2 տեղ Նինա Թորոսյան

3 տեղ Էլմիրա Կարապետյան

 

10մ վազող թիրախ, տղամարդանց վարժություն

1 տեղ Ռազմիկ Մինասյան

2 տեղ Շանթ Սարգսյան

3 տեղ Արթուր Պետրոսյան

 

10մ վազող թիրախ, կանանց վարժություն

1 տեղ Լիլիթ Մկրտչյան

2 տեղ Լաուրա Ավետիսյան

3 տեղ Գոհար Հարությունյան

 

10մ օդամղիչ հրացան , տղամարդանց վարժություն

1 տեղ Հրաչիկ Բաբայան

2 տեղ Հայազ Քանքանյան

3 տեղ Հայկ Բաբյան

 

10մ օդամղիչ հրացան, կանանց վարժություն

1 տեղ Մարիամ Միքայելյան

2 տեղ Սուսաննա Հովհաննիսյան

3 տեղ Անի Գրիգորյան

 

10մ օդամղիչ վազող թիրախ, խառը վազք, տղամարդանց վարժություն

1 տեղ Շանթ Սարգսյան

2 տեղ Ռազմիկ Մինասյան

3 տեղ Արթուր Պետրոսյան

 

10մ օդամղիչ վազող թիրախ, խառը վազք, կանանց վարժություն

1 տեղ Լիլիթ Մկրտչյան

2 տեղ Լաուրա Ավետիսյան

3 տեղ Անուշ Նալբանդյան