Հայաստանի վարչապետ Հովիկ Աբրահամյանն այսօր՝ սեպտեմբերի 1-ին, Արարատի մարզի Մասիս քաղաքում մասնակցեց վերակառուցված թիվ 5 ավագ դպրոցի բացման արարողությանը, ինչի ժամանակ ապօրինի շինություն «հայտնաբերեց» դպրոցի մուտքի մոտ:
«Էս ինչի՞ համար են սարքել: Սա ի՞նչ շինություն է: Օրինակա՞ն է սա: Ավելի ճիշտ կլինի քանդենք սա, դպրոցը երևա նորմալ: Մի հատ մտածենք էդ մասին»,-ասաց վարչապետը:
Հովիկ Աբրահամյանին դպրոցում դիմավորեցին աղուհացով, որտեղ նա գիտելիքի օրվա առիթով շնորհավորեց դպրոցի բակում հավաքված ուսուցիչներին ու աշակերտներին:
Վարչապետին ուղեկցում էին ԿԳ նախարար Արմեն Աշոտյանը և Քաղաքաշինության նախարար Նարեկ Սարգսյանը, որոնք նրա հետ շրջեցին դպրոցում, ծանոթացան դասասենյակներին:
«Իմ միակ ցանկությունն այն է, որ մենք ապագայում մեր բոլոր քաղաքներում ու գյուղերում նման դպրոցներ ունենանք: Դա շատ կնպաստի մեր ապագա սերնդի՝ ավելի լավ գիտելիքներ ստանալուն: Ես համոզված եմ, որ Հայաստանի հանրապետության, Արցախի հանրապետության ապագան լավ գիտելիք ունեցող սերունդ դաստիարակելն է»,- լրագրողների հետ զրույցում ասաց վարչապետը:
Իրավապահների կողմից ուժի կիրառման ստանդարտները ԱՄՆ–ից են դուրս եկել. Փաշինյանը՝ Պետդեպի քննադատական զեկույցի մասին 
