«ՀՅԴ», «ԲՀԿ», «Ժառանգություն» և «ՀԱԿ»-ը հրավիրել են համատեղ նիստ, որում քննարկել են «Շրջանառության հարկի մասին» ՀՀ օրենքի դեմ բողոքող ժողովրդի ցանկությունները, վերջին զարգացումները և այլ կարևոր հարցեր:
Նիստից հետո պատգամավոր Միքայել Մելքումյանը հայտնեց լրագրողներին, որ քառյակը պատրաստվում է լիագումար նիստի մեկնարկի ժամանակ դիմել ԱԺ-ում ներկայացված բոլոր քաղաքական ուժերին և պահանջել, որպեսզի ԱԺ նախագահի մոտ հրավիրվի հրատապ խորհրդակցություն, որի ժամանակ կքննարկվեն «Շրջանառության հարկի» վերաբերյալ վերջին զարգացումները և լուծումներ կառաջարկվեն:
Պատգամավորը հայտնեց նաև, որ իրենք պետք է դիտարկեն և օրենքը կասեցնելու տարբերակը, և նոր օրենքի քննարկումը: Հակառակ դեպքում հնարավոր է Քառյակը օգտագործի այլ զինանոցի գործիքներ, ինչպիսին է՝ արտահերթ նիստը:
Զախարովա. Արևմուտքը Հայաստանը դիտարկում է որպես գործիք, որի հետ կխաղա, հետո կլքի 
