«Հայկական կինոյի ամենահայտնի դեմքերից մեկը՝ աշխարհահռչակ ռեժիսոր, կինովավերագրող ու պարզապես սիրված հայ մարդ Արտավազդ Փելեշյանը, նախօրեին սրտի վիրահատության է ենթարկվել Մոսկվայում:Գրում է «Հայոց աշխարհ» թերթը: Մեր անվանի հայրենակցի վիրահատությունը, ըստ խմբագրության ունեցած տեղեկատվության, միանգամայն բարեհաջող է անցել:

Ի դեպ, ճակատագրի յուրօրինակ զիգզագ կամ գուցե նաեւ հատկանշական դրվագ է, որ մեր, առանց չափազանցության՝ մեծերից մեկի սիրտը վիրահատել է մեկ ուրիշ անվանի ու իր ասպարեզում ոչ պակաս աշխարհահռչակ հայ՝ կարդիովիրաբույժ, ՌԴ առողջապահության եւ սոցիալական նախարարության զարգացման գլխավոր մասնագետ, Բակուլեւի անվան սրտանոթային վիրաբուժության կենտրոնի սրտանոթային հիվանդությունների ռենտգենա-վիրաբուժական մեթոդների հետազոտման եւ բուժման բաժանմունքի ղեկավար, Ռուսասատանի բժշկական գիտությունների ակադեմիայի իսկական անդամ, բժշկական գիտություների դոկտոր, պրոֆեսոր Բագրատ Ալեքյանը»։

Ավելի մանրամասն կարդացեք թերթի այսօրվա համարում: